Ereleden

Es vereniging höbbe v’r ‘t geluk om zo’n fijn Ereleden te maoge koesteren. Minse die de Kraonkelaere altied ein werm hart höbbe toegedragen en dat altied blieve doon!

Gaer stillen v’r hen aan uch veur.


John Albertz

In ‘t zelfde jaor es de nuuje schlager (’07), woort auch de nuuje buhne geplaatst. John maakte ein geweldig decor van ein tafereel van ein auwt Gelaense boerderie.

Samen mit sjoonzoon Richard wirkte hea auch mit aan de vernuujing vanne prinsenhoeze.

Naeve de geweldige creaties veur de Kraonkelaere heat John auch sjoon schilderwirk geleverd veur de Lentjheuvelse Revue.

Hea is ein persoon dea v’r gaere waarderen mit ‘t Erelidmaatsjap, wat John echt verdeend haet. Ein meester mit de kwast en vingers.

De vereniging hoof heum nooit te vraoge es d’r get gedaon mot waere. Vaak zuuste heum geweun inins naeve dich sjtaon en is’der bezig. ‘t Is ein geweldig persoon veur ós vereniging.


George Bakx

D’r zeen minse die’se neet zuus, mer altied esse de meziek van de Kraonkelaere heurs, wits wat zie gedaon höbbe.

Op 11 november ’07 vong ósse seizoensöpening plaats in de graote zaal vanne Reünie. Op dea aovend woort de nuuje schlager “Dat is de Kraonkel” aan ‘t publiek gepresentieerd. De schlager wurt gezonge door George Bakx, wea auch de coupletten bedach heat. ‘t Refrein is aafkomstig van Jo Michelitz welke dit leed in de begin jaore ’80 gesjreven haet.

De energie en inzet om dit te bewirkstillingen vónge v’r es Kraonkelaere genog om heum te beneumen tot Erelid.


Pastoor Janssen

Ein sjtukske oet ‘t Kraonkelaerke van ein aantal jaor geleje laot ós zeen waorom Pastoor Janssen ein van ós Ereleden is.

“Ich heb alle reje um met plezeer een dankbaarheid truuk te kieke op de 11 3/4 Lutteraose, Kraonkelse en Gelaense jaore. ‘t Is einen tied gewaes dae ich neet zal vergaete. Einen tied met vuul hoegtepunten. De jaorlikse ierste cemmunie, de vormselplechtigheden, de processie en zeker auch de Limburgse vieringen met de Kraonkelaere. Het is plezerig as ze dao vol bliedschap en dankbaarheid op truuk kens kieke.

Hiel dankbaar bun ich auch vur ‘t feit det ich door de Kraonkelaere benump woord as Ierelid. Det is ein vorm van waardering die ich erg op pries stel umdet daodoor auch tot oetdrukking wuurd gebrach det kerk en vastelaovend hiel good met ein door ein deur kènne.”


roel fabus

Toen Roel in ´t seizoen 2015 – 2016 bekint maakte te stoppen bie de Kraonkelaere wiste v´r allemaol dat er ein groot draagvlak binne de vereiniging weg ging vallen.

Hae besloot te stoppen op ein echt hoogtepunt. Roel waor namelik dét jaor jubilaris en zaot al 2 x 11 jaor bie de Kraonkelaere.

Greutsj waor hea op “zien maedjes”, de dansmariekes. Wo hae begeleider van waor. Auch zien rol es vice-veurzitter naom hae ten allen tieje serieus.

Auch nao zien sjtap trök oet de vereiniging kinne de Kraonkelaere altied op heum boêwe.

Zo wurt éder jaor zien vakmansjap der Limburgse Taal erg gewaardeerd bie de controle van ‘t Kraonkelaerke & ondanks zien gezondheid is hae d’r zo good es altied bie op ós eige activiteiten. Hae zal altied klaor staon veur ós vereiniging, mit welke vraog dan auch…

‘t Waor dan auch sjnel duidelijk dat dése man ein volwaardig Erelid veur dees vereniging is.

Ein man wo v’r es Kraonkelaere nog heel lang greutsj op blieve. Roel, nogmaals bedank veur al dien inzet, toen maar auch zeker noe!

 


Richard Roelofs

Prins vanne Kraonkelaere in seizoen 1990-1991, lid vanne Raod van Ellef veur 24 jaor lank, secretaris dae altied (mér dan auch eg altied) bezig waor veur de vereniging & eine president dae biej gans Limburgs Vastelaovendsland bekind is.

Richard heat ech ein hart veur de vereniging. V’r vonge ‘t dan auch enorm jaommer dat hae in 2016 bekint maakte te stoppen biej de Kraonkelaere.

Wat haet hae de afgelaupen 25 jaor allemaol euver gehad veur de vereniging.

Naodat Ron Mols de taken van Richard es president euver heij genomme, waor ‘t veur ós es Kraonkelaere al sjnel duidelijk…

Richard moos gevraog waere es Erelid. Gelukkig koosj Richard zich hiej in vinge en woort hae in 2016 oergeraope es nuujste lid van ós Ereleden.

Gelökkig blief Richard op de achtergròndj de Kraonkelaere sjteune en kènne veer altied ein beroep op hem blieve doon.


Wil ritzen

Woonsdig 2 jannewari 2019 is ein deil van ut bestuur op bezeuk gewaes bie Wil om ósse auwt veurzitter te benadere om Erelid van v.v. de Kraonkelaere te waere.

Wil sjtong hiej dankbaar aope veur. Wil haet vanwege gezondheidsredene de lètste jaore sjteeds ein sjtêpke trök gedaon biej ós vereniging. Maar wiej in 2020 zien eërste kleinkindj Jeugprins woort, zaoge veer weer dat Wil enorm sjtraolt.

Wil haet net wiej ós ánger Erelede enorm väöl veur de Kraonkelaere gedaon. Zo waor auch Wil ein van de grondjlèggers van de Dansmariekes.

Auch waor Wil jaore langk ósse trotse veurzitter, haet d’r twee zonen diej Prins zeen gewaes (en zelf Kjell auch nog Jeugprins), ein kleinzoon és Jeugprins, eine zoon dae de eërste Kraonkel Kanjer waor en zien kleinzoon wat gesjiedenis sjreef door es eërste jongk lid te waere van de veurmalige dansgarde.

Veer zeen trots op Wil es Erelid.


Lid van verdienste

Wendy Roelofs

Sinds 2016 höbbe v’r bie de Kraonkelaere eine nuuje titel ‘t laeve in gerope, namelijk bepaalde luuj benömmen es Lid van Verdienste.

En in datzelfde jaor woort bekint dat Wendy Roelofs, es Kraonkelse iërste Lid van Verdienste is benump.

Wendy stong al die jaore steevast aan de naaste zijde van Richard Roelofs. Es partner, es vastelaovendvierster en wie eine echte Kraonkelaer waor Wendy daag in, daag oet bezig mit ós vereniging. Zo zeen d’r genog oeren besjteedt aan ‘t naaimachine om alles weer piek fijn te laote stralen, ‘t prinsenpak woort auch altied op maot gemaak door Wendy.

Noe nog steeds haet ze ‘t hart op de Kraonkelse plaats zitten en mirken v’r dat Wendy ós gein vaarwel heat gezag. Zo heat Wendy in 2017 speciaal veur de Dansmariekes eine sjoone eigen pin en verkauppin ontworpen.

V’r zeen greutsj op Wendy en alles wat zie veur ós vereniging deit & haet gedaon. Dankjewel!