Ós prinse van 't seizoen

Prins rick I (Schmitz)

Op zaoterdig 19 jannewari 2019 höbbe v.v. De Kraonkelaere Rick Schmitz es 49ste Prins oetgerope. Rick is eine echte kampioen: europees Kampioen Hiphop Dance en meërmaals Nederlands Kampioen. Rick (29) is gebaore in Maes en sindskort beheerder van ut Plenkhoes in Gelaen en hie is auch zien eige danssjool gevestigd. Hae woont same mit verloofde Nikky en dochter Yana in de Sterstraot in ut Kraonkelaere-Riek.

 

Hae zal in de Kraonkel de Vastelaovesdaag regere mit zien liefsjpreuk:

 

Mit scepter, sjtaek en vaer is ut besjlis, ich bèn unne echte carnavalis.

Danse en sjpringe zit bie mich in ut blood, dat kump dees carnaval heëlemaol good.

Van de mörge tot de aovend, vier ich gaer mit uch de Vastelaovend.

 

 

Kraonkel Alaaf!



Jeugprins thijs II (cramer)

Zondig 17 febrewari 2019, Kraonkel Gelaen.

 

De Kraonkelaere höbbe op ein enorm gezellige Kènjer Zitting Thijs Cramer oetgeraope tot nuuje Jeugprins, Thijs 2de.

 

Thijs zal gaon regeren mit zien liefsjpreuk:

"Mam es Heeringprinses, pap es graote prins, zös es dansmarie.

Vastelaovend viere, dat zit ös in de prie.

En ich es Kraonkelse jong gebaore,

Bèn ich noe hie es Jeugprins oetverkaore.

Kraonkelaere, Alaaf!"